Земјотрес со јачина од 6 степени го погоди кинескиот регион Тајван во понеделник, соопшти Европско-медитеранскиот сеизмолошки центар (EMSC).
Ројтерс објави дека Тајванската метеоролошка агенција ја проценила јачината на земјотресот на 6,4 степени и дека потресот е регистриран покрај источниот брег на Тајван.
EMSC соопшти дека земјотресот е регистриран во 13 часот по локално време, на длабочина од 29 километри, 127 километри источно-североисточно од Тајчунг и 59 километри југо-југоисточно од Хуалиен.