Потрес со јачина од 4,8 степени по Рихтер денеска го стресе регионот кај брегот на јапонската префектура Фукушима, во која се наоѓа нулеарната електрана Фукушима Даичи.
Како што пренесе Јапонската метеоролошка агенција, потресот се случил околу 13 часот по локално време.
Агенцијата соопшти дека не е објавено никакво предупредување за цунами.
Нема никакви извештаи за штети на нуклеарната електрана во тој регион. Досега нема информации за евентуални жртви, пренесе РИА Новости.
Во 2011. година најголемата нуклеарна несреќа по несреќата во Чернобил, се случи во Јапонија кога нуклеарната електрана Фукушима Даичи ја погоди цунами предизвикано од земјотрес со јачина од 9 степени според Рихтер. Три од шесте реактори во електраната се оштетени.