Полските земјоделци, собрани околу здружението Агруни, од претпладне ја блокираат Варшава со 200 трактори, барајќи повисоки откупни цени.
Незадоволните земјоделци бараат и нова регулатива со која би се намалил неконтролираниот увоз на земјоделски производи.
Лидерот на Синдикатот Михал Колоѓејчак изјави дека насобраните сакаат нормални трговски услови, пренесува Н1.
– Не сакаме ништо да ни дадете, само сакаме пристојно да заработуваме, а не да не ограбуваат додека работиме напорно, рече тој на протестот.
На почетокот на протестот, полицијата ги запре тракторите, по што земјоделците кои дојдоа од цела Полска се упатија во протестен марш во центарот на Варшава, до зградата на Парламентот.
Демонстрантите бараат, како и на претходниот предупредувачки протест, Владата да донесе закон со кој ќе се забрани откуп на земјоделски производи под цената на производството.
Извор: МИА