Во текот на изминатата недела, руските сили лансираа повеќе од 160 проектили од различни типови, 780 бомби UAB и 400 беспилотни летала врз украинските населби, изјави денеска украинскиот претседател Володимир Зеленски.
„Апсолутно е фер Украинците да можат да одговорат на рускиот напад точно онолку колку што е неопходно за да се запре. Секој ден и секоја вечер нашите градови и села се под непријателски напади. Само во изминатата недела Русија употреби повеќе од 160 проектили разни типови против нашиот народ, 780 наведувани бомби и 400 ударни дронови од различни типови“, напиша Зеленски на Телеграм.
Тој нагласи дека за правичен украински одговор потребна е поголема поддршка за целосна заштита и обезбедување на украинските градови од руска агресија.