Украина има мали шанси да ја преживее војната против Русија без американска поддршка, изјави во петокот украинскиот претседател Володимир Зеленски по одделните телефонски разговори оваа недела на американскиот претседател Доналд Трамп со него и со рускиот претседател Владимир Путин.
„Веројатно ќе биде многу, многу, многу тешко. Се разбира, во сите тешки ситуации има шанса, но ние ќе имаме мала шанса да опстанеме без поддршката на Соединетите Американски Држави“, рече Зеленски во интервју за NBC News, пренесе Ројтерс.
Трамп рече дека не мисли дека е практично Украина да се приклучи на НАТО и дека е малку веројатно Украина да ја врати целата своја територија. Украина бара Русија да ги повлече војниците од окупираните територии и апелира да стане членка на НАТО или да и се обезбедат соодветни безбедносни гаранции за да се спречи Русија повторно да нападне. Русија кажа дека освоената територија е дел од руската држава и нема намера да се повлече.