Украинскиот претседател Володимир Зеленски денеска оцени дека разговорот на германскиот канцелар Олаф Шолц со рускиот претседател Владимир Путин ја отворил „Пандорината кутија“, поткопувајќи ги напорите за изолирање на рускиот лидер.
Путин денеска за време на разговорот со Шолц рече дека Русија никогаш не одбила да преговара за крај на конфликтот во Украина, додавајќи дека евентуалните договори треба да ги земат предвид безбедносните интереси на Русија, да се засноваат на „новата реалност на теренот“ и да се решат причините за конфликтот.
Кремљ објави дека Путин и Шолц имале „детална и искрена“ размена на мислења за ситуацијата во Украина. Во разговорот Путин истакна дека Русија секогаш ги исполнувала договорните обврски во енергетскиот сектор и дека е подготвена за заемно корисна соработка на тоа поле, доколку е заинтересирана и Германија. Рускиот претседател оцени дека руско-германските односи доживеале „невиден деградација“. Руските медиуми јавуваат дека Путин и Шолц разговарале и за ескалација на ситуацијата на Блискиот Исток.
Путин и Солц се договориле нивните помошници да останат во контакт и во иднина, пренесува руски Интерфакс. Претходно, Ројтерс објави дека за време на разговорот со Путин, Шолц побарал Русија да покаже подготвеност за преговори со Украина и целта за праведен и траен мир и побарал Русија да ги повлече своите војници од украинската територија.
Шолц уште еднаш нагласи дека Германија е решена да ја поддржува Украина во војната со Русија што е можно подолго, рече портпаролот на германската влада, додавајќи дека Шолц, пред да го покани Путин, разговарал со украинскиот претседател Зеленски.
Тој „јасно му стави до знаење“ на Путин дека испраќањето севернокорејски војници во Русија за учество во борбени мисии против Украина е сериозна ескалација и проширување на конфликтот. Украинскиот претседател Володимир Зеленски, со кого Шолц разговараше пред средбата со Путин, се спротивстави на разговорот меѓу германскиот и рускиот лидер.
„Претседателот рече дека тоа само ќе му помогне на Путин во намалувањето на неговата изолација. Путин не сака вистински мир, туку само пауза“, изјави за Ројтерс неименуван извор од кабинетот на Зеленски.
Разговорот меѓу Путин и Солац, прв од декември 2022 година, траеше околу еден час денеска наутро.