Украинскиот претседател Володимир Зеленски денеска изјави дека за неговата земја станува сè потешко да обезбеди оружје.
– Војната се забавува. Сите процеси стануваат потешки и побавни, од санкции до испорака на оружје – рече тој на конференција во Киев, пренесува Ројтерс.
Зеленски додаде дека тримесечната контраофанзива на украинските сили на југот и на истокот на земјата ќе напредува побрзо доколку армијата во Киев добие повеќе оружје.
Тој посочи дека би било особено важно украинската армија да добие помодерни борбени авиони.