Украинскиот претседател Володимир Зеленски денес разговараше со францускиот претседател Емануел Макрон за вчерашниот разговор со американскиот претседател Доналд Трамп и европските сојузници, наведувајќи дека Украина е подготвена за прекин на огнот со Русија, но дека сè уште нема „јавен одговор“ од Москва за ова.
„Ја споделив перспективата на Украина за вчерашниот разговор со Макрон. Ги координираме нашите ставови и подеднакво сакаме да видиме заеднички европски поглед на клучните европски безбедносни проблеми. Многу зависи, сега и на долг рок, од ефикасноста на чекорите што ги преземаат Европа и Америка“, напиша Зеленски на својот профил X.
Зеленски изјави дека блиската иднина мора да покаже какви ќе бидат последиците ако Русија продолжи да ја влече војната и да ги загрозува конструктивните напори.