По рускиот напад врз украинскиот град Днепар, претседателот на Украина, Володимир Зеленски, изјави дека официјална Москва со секој таков напад докажува дека е потребно да се изврши силен притисок врз Русија и да се воведат „поболни санкции за агресорот“.
„Спасувачите, општинските служби и агенциите за итни случаи работат во Днепар по рускиот напад со беспилотни летала врз тој град. Тоа беше едноставно дрзок напад врз цивилната инфраструктура, сред бел ден. Засега е познато дека повеќе од 10 лица се повредени“, објави Зеленски на својот Фејсбук профил.
Како што претходно објави Укринформ, руската армија го нападна Днепар со беспилотни летала и во тој напад едно лице беше убиено, а 15 беа повредени.