Може да бидат потребни околу 110.000 странски војници за да се обезбеди мир во Украина по каков било договор со Русија, а британската кралска морнарица би можела да има задача да го брани украинскиот брег, посочи украинскиот претседател.
Володимир Зеленски изјави дека украинската армија би можела да се одбрани доколку има доволно оружје – десетици борбени авиони и напредни системи за противвоздушна одбрана.
Но, друга опција може да биде распоредување меѓународни сили за да се спречи Владимир Путин повторно да ја нападне Украина.
Зеленски рече дека во такво сценарио, тој би сакал САД да играат улога, иако секретарот за одбрана на Трамп оваа недела ја отфрли можноста за испраќање американски војници во Украина.
„Ако зборуваме за контингентот, имам мапа на која се означени 110.000 странски војници. Искрено ви кажувам“, им рече Зеленски на новинарите на маргините на Минхенската безбедносна конференција.