Украинскиот претседател Володимир Зеленски изјави дека „офанзивата на украинските вооружени сили врз областа Курск била успешна и покрај фактот што повеќето од украинските војници се повлекле“.
Русија започна инвазија на Украина пред повеќе од три години, но властите во Киев решија да возвратат и во август минатата година, на општо изненадување на руската страна и нејзините сојузници, ја нападнаа областа Курск.
Украинските војници освоија повеќе од 1.000 квадратни километри и десетици села и градови во областа Курск пред руските трупи да ги запрат.
По повеќе од шест месеци жестоки борби во Курск, во кои Русите добија помош и од војници од Северна Кореја, руските сили успеаја да ја вратат изгубената територија дури минатиот месец, откако Украинците повлекоа поголем дел од своите војници.
Само неколку квадратни километри од Курск се уште се под контрола на Украина. Во Киев тврдат дека од август минатата година до денес во областа Курск загинале 15.000 руски војници.