Украинскиот претседател Володимир Зеленски вели дека веќе контактирал со Русија за да го добие ветениот нацрт на „меморандум“ со предлози за завршување на војната, но сè уште не добил никаков документ.
Зеленски во Берлин, на заедничка прес-конференција со германскиот канцелар Фридрих Мерц, изјави дека Украина е отворена за секаков формат на преговори, за да не ја обвини Русија повторно дека „не го сака тоа“, објави новинската агенција „Унија“.
Зеленски рече дека украинскиот министер за одбрана Рустем Умеров го контактирал шефот на руската делегација на преговорите во Истанбул, Владимир Медински, во врска со меморандумот за завршување на војната во Украина што двете земји треба да го разменуваат и презентираат, и дека тој одговорил „Ќе се случи, ќе се случи“.
„Да, тие рекоа „ќе биде, ќе биде“, но никогаш не го добивме (меморандумот). Никој не го доби. Ги прашавме Соединетите Држави, а тие чекаат. Сите чекаат. Не треба да чекаме, туку веројатно да преземеме посериозни чекори“, рече Зеленски.