Претседателот на Украина, Володимир Зеленски, зборуваше за мировните преговори со Русија и му порача на лидерот на таа земја Владимир Путин дека ќе го чека во четврток во Турција бидејќи, како што додаде, „повеќе нема смисла да се пролонгираат убиствата“.
„Очекуваме целосно и трајно примирје, почнувајќи од утре, за да ја обезбедиме потребната основа за дипломатија. Нема смисла да се пролонгираат убиствата. А Путин ќе го чекам во четврток во Турција. Лично. Се надевам дека Русите овојпат нема да бараат изговори“, напиша Володимир Зеленски на мрежата „X“.
We await a full and lasting ceasefire, starting from tomorrow, to provide the necessary basis for diplomacy. There is no point in prolonging the killings. And I will be waiting for Putin in Türkiye on Thursday. Personally. I hope that this time the Russians will not look for…
— Volodymyr Zelenskyy / Володимир Зеленський (@ZelenskyyUa) May 11, 2025
Американскиот претседател Доналд Трамп претходно го повика Зеленски да го прифати предлогот на Путин.
„Рускиот претседател Путин не сака да склучи договор за прекин на огнот со Украина, но сака да се сретне во Турција во четврток за да преговараме за можен крај на крвопролевањето. Украина треба да се согласи со ова СЕГА. Втора светска војна – војна која немаше да се добие (ниту блиску!) без Соединетите Американски Држави ОДРЖЕТЕ ГО СОСТАНОКОТ СЕГА!!! – напиша Трамп.
Путин предложи одржување директни разговори со Украина, со цел да се постигне траен мир и да се стави крај на војната.
Иницијативата беше поздравена од украинскиот претседател Володимир Зеленски, кој рече дека Киев е подготвен за разговори, но дека Москва мора прво да се согласи на итен прекин на огнот.