Украинскиот претседател Володимир Зеленски денес изјави дека му рекол на американскиот претседател Доналд Трамп за време на состанокот во Белата куќа на 17 октомври дека е подготвен да му се придружи на состанокот со рускиот претседател Владимир Путин во Будимпешта.
„Ако навистина сакаме праведен и траен мир, ни се потребни двете страни од оваа трагедија. Како може да има какви било договори без нас за нас?“, праша Зеленски во интервју за NBS News.
На прашањето дали ќе инсистира да патува во Будимпешта, Зеленски рече дека му рекол на Трамп во петокот дека е подготвен, објави Ukrinform.
Трамп разговарал со Путин по телефон еден ден пред состанокот со Зеленски и по разговорот рекол дека ќе се сретне со рускиот претседател во Будимпешта „за да разговара за можноста за завршување на војната меѓу Русија и Украина“.
