Белата куќа се надева дека украинскиот претседател Володимир Зеленски ќе се согласи да присуствува на состанокот меѓу американскиот претседател Доналд Трамп и рускиот претседател Владимир Путин во Будимпешта, објави Си-Би-Ес, повикувајќи се на претседателската администрација на САД.
„Белата куќа се надева дека Зеленски би можел да биде вклучен во овие преговори“, изјави портпаролката на Белата куќа, Каролин Ливит.
Таа, исто така, им изјави на новинарите дека Трамп ќе го замоли Зеленски да се придружи на неговиот состанок со Путин денес.
„Претседателите Трамп и Путин разговараа за можноста за состанок во Будимпешта, а американскиот претседател ќе разговара за оваа можност со претседателот Зеленски кога ќе биде тука во Белата куќа“, изјави портпаролката, според американската телевизиска станица.
Американскиот претседател Доналд Трамп ќе се сретне со украинскиот претседател Володимир Зеленски денес, а состанокот е закажан за 19 часот по централноевропско време.
Трамп разговараше со рускиот претседател Владимир Путин во четврток и го најави нивниот нов состанок во Будимпешта.