Зеленски бара од Јапонија да го зголеми притисокот на санкциите врз Русија

Од:

Украинскиот претседател Володимир Зеленски денеска побара од Јапонија да го зголеми притисокот на санкциите врз Русија со воведување трговско ембарго на руски стоки.

Обраќајќи се пред Парламентот во Токио преку видео врска, Зеленски се заблагодари на Јапонија за осудата на руската инвазија и воведувањето санкции.

„Одговорните држави се обединуваат за да го заштитат мирот. Благодарен сум на вашата земја за нејзината принципиелна позиција во овој историски момент, за нејзината вистинска помош за Украина. Вие бевте првата земја во Азија која навистина почна да врши притисок врз Русија за враќање на мирот, која ги поддржа санкциите против Русија и ве повикувам да продолжите да го правите тоа“, рече Зеленски.

Не наведувајќи докази, тој рече дека руските сили подготвуваат нови напади од таканаречената зона на исклучување околу нуклеарната централа во Чернобил, откако минатиот месец окупираа затворена централа во раните фази на војната.

Тој не даде повеќе детали за нападите, за кои утврди дека биле планирани од Русија.

„Светот е на работ на многу нови кризи. Предизвиците за животната средина и храната се без преседан“, рече Зеленски.

Извор: МИА

Би можело да ве интересира

Небензја: Прекинот на огнот во Газа мора да биде чекор кон долгорочен мир

Зеленски: Политиката што ја најави Трамп дава можност да се постигне траен и праведен мир

Шведска вежба технологија за напад со рој дронови

Предраг Петровиќ

ВИДЕО: Русија го нападна центарот на Киев со балистички проектили, има мртви

Иран и Русија потпишаа договор за „сеопфатно стратешко партнерство“

А1он

Песков: Русија не испратила покани до никого во САД за Денот на победата