Две сопернички авганистански талибански групации, предводени од мулата Ахтар Мансур и мулата Мохамед Расул склучија примирје, јави ДПА.
Мулата Назар Мохамед, член на Шурата во Кета и познат судија во организацијата, го прогласи примирјето преку аудиопорака, објавена на официјалниот сајт на талибанците.
Спогодбата е постигната на собрание, свикано со цел да се стави крај на меѓусебните несогласувања, кои доведоа до тешки судири во октомври и декември со стотици жртви од двете страни.
Претставниците на страните во преговорите постигнаа договор и се заколнаа на верност на мулата Ахтар Мансур, сегашен лидер на талибанците, кој ја зазеде функцијата, откако во јули беше соопштено за смртта на основачот на движењето мулата Омар.
Договорено е целосно примирје меѓу завојуваните фракции, создавање на комисија, која ќе ги разгледува споровите меѓу талибанските лидери и зголемување на членовите на раководните совети на организацијата.