Чеченскиот претседател Рамзан Кадриров остана без своите Фејсбук и Инстанграм профили откако социјалните мрежи се одлучија да му ги затворат. Тој имаше преку 3 милиони следбеници на Инстаграм и околу 760 илјади на Фејсбук.
Кадиров е редовен корисник на Инстаграм и често споделува фотографии и вести за Чеченија и за неговото семејство.
Во средата, американското Министерство за финансии го стави Кадиров на листата на санкционирани лица под „Законот Магнитски“. Американските претставници го обвинија Кадиров дека ја „надгледувал администрацијата поврзана со исчезнувања и неоправдани убиства”.
Претседател на руската Дума, Вјачеслав Володин рече дека со бришење на профилите, социјалните мрежи им го укинуваат правото на граѓаните да го слушнат мислењето на блогерите и комуникацијата со нив.
Се плашат од јавни расправи и вистината. Таквите одлуки не може поинаку да се објаснат. Работата е во тоа што, за да читате објави на некој блогер, мора прво да го следите. Бришењето на профилите, го укинуваат правото на граѓаните да го знаат размислувањето на блогерите и да се комуницира со нив, вели Володин.