По добиената судска дозвола, Обвинителството во Тирана одзеде 60 отсто од акциите на компанјата „АгонСет„ како и фирмите „Енерѓи“, “Кабел систем“, “400 КВ“ и „Сила“(“Energji”, “Cable System”, “400KV”“Fuqi”), јави дописникот на МИА од Тирана.
Во истовреме блокирани се сите нивни сметки во разни банки, а издаден е налог за апсење на сопственикот Франческо Бечети, како и Лилиана Кондомити, Маурио де Рениз, додека Ерјона Троплини е притворена. Сите тие се товарт за вмешаност во гигантска шема за перење пари, која достигнува милиони евра.
Италијанецот во Албанија почнал бизнис во деведесеттите години од минатиот век, потоа добил концесија за изградба на мала ХЕЦ, по што според обвинението на кое се повикуваат албанските медиуми, почнало нелегалното финансиско работење.
– Телевизијата „Агон Чанел “ ја отври лани, како дел од „ Агон Чанел Италија“ , за што се пофали дека за реализација на проектот инвестирал 40 милиони евра. Без да биде прашан сам си одговори: Земав банкарски кредит“, пренесува Шекули.