За спречување на криминалот понекогаш не се потребни значка, оружје и униформа. Тоа го знае и Лоис Гибсон, цртачка која веќе 30 години и помага на полицијата во фаќање на криминалци.
Нејзините неверојатни цртежи на Тексашката полиција и овозможија приведување на повеќе стотини криминалци, убијци, силувачи и грабнувачи.
И самата Гибсон била жртва бидејќи кога имала 21 година била брутално силувана и во таа прилика за малку ќе го изгубела животот.
Во Гинисовата книга на рекорди влезе заради најмногу идентификувани криминалци од полициски цртеж – 523 лица заради нејзината способност се уапсени, а помогнала во решавањето на преку 1000 злосторства.
Најпрво полицијата била сомничава спрема нејзините способности и биле потребни дури три случаи за да ги убеди дека нејзиниот талент и методите на разговор со жртвите можат да помогнат.
„Таа има неверојатна дарба, не знам што ќе правиме кога ќе си оди. Се надевам само дека ќе одам пред неа во пензија“, рече началникот на полицијата во Хјустон, Чарлс МекЛиланд.
