Мексиканската морнарица запленила чамец со речиси три тони кокаин, на околу 360 километри од брегот на Пацификот, во близина на одморалиштето Акапулко.
Морнарицата соопшти дека се приведени три лица кои биле на чамецот, пренесува АП.
Во чамецот биле пронајдени 80 вреќи со 2.800 килограми кокаин. Осомничените имале два надворешни мотори и резервоар со околу 150 литри бензин.
Морнарицата пронашла и торба со 25 килограми кокаин како плови во Карипското Море недалеку од плажата во одморалиштето Акумал, во мексиканската држава Квинтана Ру.