Украинските власти, заедно со ЕУ, се залагаат за вооружување и продолжување на конфликтот, наместо дијалог, изјави денес портпаролката на руското Министерство за надворешни работи, Марија Захарова.
„Киев е подготвен буквално да направи сè за да го спречи постигнувањето праведен мир во Украина“, рече таа на прес-конференција, објави Спутник.
Според неа, „режимот во Киев ги интензивира нападите во време кога се во тек преговорите“.
– Режимот на Бандера продолжува да го тероризира цивилното население во Русија, цинично интензивирајќи ги ракетните и беспилотните напади врз цивилни објекти, станбени згради, медицински установи и цркви. Тие намерно ги интензивираат нападите во време кога се одржуваат меѓународни состаноци за решавање на конфликтот, рече Захарова.
Неуспешниот обид за атентат врз генералот на руската армија, Владимир Алексеев, ја покажува намерата на Киев да го попречи процесот на преговори, додаде рускиот функционер.
Според Захарова, Европската Унија, исто така, сака да го спречи прекинувањето на украинскиот конфликт со сите средства.
„Во моментов, ЕУ не ѝ дозволува на Украина да прифати каков било компромис за да се постигне решение“, рече Захарова.
Поради таквото однесување на ЕУ, невозможно е да се гледаат дури и како соседи на преговарачката маса за украинската криза, рече Захарова.
Како што рече таа, сè додека Унијата не разбере дека елиминирањето на коренските причини за кризата не е отстапка кон Русија, туку придонес кон долгорочната стабилност на европскиот континент, не може да се зборува за улогата на Брисел во мировниот процес.
Захарова, исто така, рече дека малку земји вложуваат толку многу труд во саботирање на руско-американските преговори како Франција.
„Русија никогаш не одбила дијалог со Франција, Париз е тој што ги прекина односите“, рече Захарова.
Таа додаде дека изјавата на францускиот претседател Емануел Макрон дека сака телефонски разговор со рускиот претседател Владимир Путин останала „мртва буква на хартија“.