Бегството од затвор во регионот Сен Марк на западот на Хаити резултираше со конфликт во кој загинаа 11 затвореници, јавува Анадолија.
Портпаролот на полицијата на Хаити, Мишел Анж Луис Жуне рече дека конфликтот се случил кога затворениците се обиделе да побегнат од затворот, во кој се сместени 540 затвореници.
Тој потврдил дека за време на инцидентот загинале 11 затвореници, а еден е фатен.
Локален весник објави дека затворските чувари стапиле во штрајк, барајќи подобри услови за работа, што можеби имало улога во инцидентот.
Венисон Франсоа од Владата изрази загриженост за можен бунт, сугерирајќи ја можноста за соучесништво на чуварите.
Видеата што кружат на социјалните мрежи покажуваат дека од затворот излегувале чад и оган, а имало и пукотници.
Не е познато колку затвореници имало во затворот за време на бегството.
Ова е трето бегство од затвор на Хаити оваа година. Во март, банди организираа масовно бегство од двата најголеми затвори во земјата во главниот град Порт-о-Пренс, како дел од серијата напади кои на крајот доведоа до оставка на премиерот Ариел Хенри.