Најмалку 11 лица загинаа во пожарите кои зафатија делови од Лос Анџелес и изгореа повеќе од 150 квадратни километри, а повеќе од 300.000 луѓе се евакуирани, објави CBS.
Најмалку 12.000 згради се оштетени или уништени, објави Лос Анџелес Тајмс. Извори за спроведување на законот изјавија за Тајмс дека повеќе помали пожари најверојатно се подметнати.
Повеќе од 5.600 ученици останаа без своите училишта, бидејќи најмалку 12 институции се уништени во пожарите.
Комесарот за осигурување во Калифорнија издаде мораториум за откажување или необновување на полисите за осигурување за сопствениците на куќи погодени од пожарите.
Таа забрана ќе важи една година за жителите во областите погодени од пожарите Палисејдс и Итон.