Врховниот совет за национална безбедност на Иран денес објави дека одлучил да ја заврши војната со Израел.
Иранските вооружени сили дале „понижувачки и соодветен одговор на суровоста на непријателот“, се вели во соопштението, додавајќи дека ова кулминирало со нападот врз американската база во Катар синоќа и ракетните напади врз Израел во зори, објави Ал Џезира.
Советот соопшти дека Техеран одговорил на нападите на своја територија пропорционално и навремено и „го принудил непријателот да се покае, да го признае поразот и еднострано да ја запре својата агресија“.
„Вооружените сили на Исламската Република Иран, без никаква доверба во зборовите на непријателот и со прстот на чкрапалото, се подготвени решително и одвраќачки да одговорат на секој чин на прекршување од страна на непријателот“, соопшти Врховниот совет за национална безбедност на Иран.
