ВОЗНЕМИРУВАЧКО ВИДЕО: Авганистански фудбалер е еден од загинатите кои паднаа од авион во обид да избегаат од Кабул

Авганистански фудбалер кој играше за младинската репрезентација загина откако се обиде да се задржи за американски авион што ги евакуираше луѓето од Кабул, контролиран од Талибанците, соопшти спортската федерација.

Генералниот директорат за физичко образование и спорт на Авганистан, владина институција која работеше со спортски групи, ја потврди смртта на Заки Анвари во хаосот што избувна на аеродромот во главниот град.

„Анвари, како и илјадници младинци од Авганистан, сакаа да ја напуштат земјата, но паднаа од американски авион и загинаа“, се вели во соопштението на групата објавено на Фејсбук во четвртокот.

Илјадници Авганистанци се собраа на аеродромот оваа недела во обид да ја напуштат земјата, по офанзивата на талибанците, која заврши со преземање на власта кога претседателот Ашраф Гани избега.

Во застрашувачката снимка од аеродромот во понеделникот, беа видени стотици луѓе како трчаат покрај авион на американските воздухопловни сили додека забрзува на пистата. Неколку мажи очајно се држат на делови од авионот во обид да избегаат од Кабул.

Selfie Angle- The last moments of men clinging to some parts of the C-17 yesterday, #kabulairport #Afghanistan #Talibans pic.twitter.com/QvSeJ2bK0t

— Aśvaka – آسواکا News Agency (@AsvakaNews) August 17, 2021

Понатамошните видеа на социјалните мрежи покажаа како две тела паѓаат од авион Ц-17 откако полетал.

Човечки остатоци подоцна беа пронајдени во отворот за тркалата, потврди американската војска, додавајќи дека ги испитува пријавените смртни случаи поврзани со Ц-17.

DISCLAIMER: DISTURBING FOOTAGE❗️❗️❗️
Two people who tied themselves to the wheels of an aircraft flying from Kabul, tragically fall down. pic.twitter.com/Gr3qwGLrFn

— Tehran Times (@TehranTimes79) August 16, 2021

„Пред да може екипажот да го растовари товарот, авионот беше опколен од стотици цивили од Авганистан“, изјави портпаролката на американското воздухопловство, Ен Стефанек.

„Соочени со брзо влошување на безбедносната ситуација околу авионот, екипажот на Ц-17 одлучи да го напушти аеродромот што е можно побрзо“, додаде портпаролката.