Воздушна опасност е прогласена на целата територија на Украина, покажуваат податоците на онлајн мапата на украинското Министерство за дигитална трансформација.
Ова е втор пат од синоќа на целата територија на Украина да се огласуваат сирени за воздушен напад.
Набргу потоа почнаа да пристигнуваат вести за експлозии на целата територија на Украина. Како што пренесуваат медиумите, детонациите одекнале во регионот Лавов на западот на земјата.
Експлозии се слушнаа и во Ровно, поради што половина град остана без струја. Експлозии одекнаа и во регионот на Ивано-Франковск, но засега не се знае кои биле метите.