Еден непознат човек, држи „повеќе лица“ за заложници во зградата на општината во германскиот град Инголштат, соопшти полицијата.
Инцидентот се случил денеска, околу девет часот, непосредно пред во ова место да пристигне германскиот канцелар Ангела Меркел.
Германската полиција тврди дека веќе воспоставила комуникација со киднаперот, но дека засега не ги знае мотивите за киднапирањето на луѓето. Не се знае ниту дали станува збор за вработени во општинската зграда, или за жители на ова место кои се нашле случајно во зградата.
Зградата на општината е под целосна полициска блокада. Претставник на баварската полиција изјави дека нема сознанија дека инцидентот е поврзан со посетата на Меркел на Инголштат, во рамките на нејзината предизборна кампања, за изборите што ќе се одржат на 22 септември.