Бригадите Ал-Касам, военото крило на Хамас, денес објави дека го задржува правото да одговори на атентатот врз нивниот втор човек во командата, Рад Садат, кој беше убиен во израелски напад.
Бригадите Касам изјавија дека вчерашниот израелски напад „ги преминал сите црвени линии и покажува целосно непочитување на мировниот план на американскиот претседател Доналд Трамп“, објави „Тајмс оф Израел“.
Военото крило на Хамас, исто така, ги повика посредниците за примирје во Газа да го сметаат Израел за одговорен.