Венецуелските власти и опозицијата, секој во своја организација, ќе одржат демонстрации со кои ќе се одбележи годишнина од соборување од власта на последниот диктатор Марко Перес Хименес.
Државниот удар на 23 јануари 1958, власта и опозицијата ќе го одбележат секој од свој агол – власта ја дочекува годишнината со лидерот Уго Чавес, кој се опоравува од операција од канцер на Куба, додека опозицијата ќе протестира поради, како што наведува, несигурноста која настанала во земјата во изминатиот период.
Чавес не е виден во јавноста од кога на 11 декември на Куба имал четврта операција на рак и не бил во состојба да присуствува на сопствената инаугурација со цел официјално да го преземе новиот претседателски мандат.