Експерти на Обединетите нации се подготвени да ја посетат Сирија за да ги истражат тврдењата дека во земјата е употребено хемиско оружје, но спогодбата со сириските власти се уште не е постигната поради недостиг од гаранции за нивната безбедност.
Претставниците на ОН треба да посетат три објекти. Едниот е Хан ал Асал во Алепо, каде според сириската Влада бунтовниците употребиле хемиско оружје во март. Другите две места се уште не се соопштени.
Во Сирија вчера загинаа 18 бунтовници во судири покрај Морек во централната провинција Хама. Градот се наоѓа покрај главната магистрала, која води од Дамаск до северна Сирија.