Најмалку 12 регрути на авганистанската армија загинаа денеска во самоубиствен бомбашки напад во градот Џалалабад, соопштија здравствените власти.
Директорот на градската болница, Ахсанула Шинуари изјави дека се донесени 12 тела, а според него 38 лица се повредени, од кои повеќето се наоѓаат во тешка состојба.
Сите жртви биле регрути на авганистанската армија и патувале со автобус во околината на Џалалабад, главен град на провинцијата Нангархар.
Според првичните информации, напаѓачот удрил со мотор во автобусот, активирајќи го експлозивот.
Засега никој не преземал одговорност за нападот.