Бомбаш самоубиец кој денеска активира експлозив на политички собир во Бакуба уби 25 лица, а најмалку 60 се повредени.
Напаѓачот го активирал експлозивот во момент кога започнувал ручекот, кој кандидатот Мутана ал Џурани го организирал за своите приврзаници.
Досега никој не преземал одговорност за нападот, но се претпоставува дека зад него стои терористичката мрежа Ал Каеда, која постојано се обидува да ја намали довербата во ирачката Влада, предводена од шиитите.
Според западните медиуми, се очекува зголемување на насилството во Ирак пред одржувањето на локалните избори на 20 април.