На барање на германските власти железничкиот сообраќај е запрен во две насоки меѓу австрискиот град Салцбург и Германија, соопшти денеска австриската железничка компанија „ОеББ“.
Дополнителни проверки на границата предизвикале и поместувања и одложувања на линиите на таа пруга од Салцбург, последен австриски град на патот за Германија за многу илјади бегалци.
Претставник на „ОеББ“ рече дека детали за причините за прекин на железничкиот сообраќај на таа делница засега не се достапни.