Петмина украински војници се убиени, а 29 се ранети во борбите со проруските сепаратисти во источна Украина во текот на последните 24 часа, соопшти во Киев армискиот портпарол.
Во источна Украина во последното деноноќие загинале и 14 цивили, јавуват француските медиуми, повикувајќи се на Киев и на сепарастите.
– Сепаратистите ја продолжуваат својата офанзива против исклучително важниот јазол Дебалцево, североисточно од регионалниот центар Доњецк, но владините сили го изддржуваат силниот притисок, рече украинскиот владин портпарол.
Според друг воен извор, во текот на изминатата ноќ бунтовниците два пати се обиделе да ги преземат украинските позиции крај Дебалцево, но биле одбиени.
ТАСС информира за седуммина загинати цивили и 44 ранети во последното деноноќие како резултат на артилериското гранатирање од страна на украинските сили врз населените места во самопрогласената „Доњецка Народна Република“. Во самиот град Доњецк има и најмногу ранети, дури 33 лица, а таму се и сите загинати.