Во воздушните напади на коалицијата предводена од САД во североисточниот дел на Сирија, во последните 48 часа убиени се 170 џихадисти, соопшти сириската Опсерваторија за човекови права, со седиште во Лондон.
– Џихадистите се убиени во последните 48 часа во провинцијата Хасакех во интензивните воздушни напади на меѓународната коалиција која им помага на курдските сили во тој регион, се наведува во соопштението на Опсерваторијата.
Американскиот бригаден генерал Томас Вејдли наведе дека Исламска држава продолжува да губи борци, капацитети и територија, додека коалицијата продолжува да дејствува на територијата на Сирија и на Ирак.