Најмалку седум лица меѓу кои и муслиманскиот свештеник, шеикот Талиб Зувајид денес се убиени во нападите во Багдад и градот Фалуџи на север на Ирак, соопшти полицијата.
Според полицијата Зувајид бил еден од организаторите на сунитските демонстрации, кои еднаш неделно се одржуваа во последните три месеци, против мнозинската шиитска влада, но се уште не е потврдено дека убиството има врска со протестите.
Истовремено во претстолнината, во два бомбашки напади убиени се четири лица, додека 14 се повредени.
При експлозија на бомба поставена на полициски автомобил, загинаа еден полицаец и случаен минувач, додека пет лица се повредени, пренесе „Асошиејтед прес“.
Во другиот дел на градот, бомбаш самоубиец активира експлозивна направа во свој автомобил на воен контролен пункт, при што повреди девет лица од кои четири цивили.
Полицијата и војската во Ирак се омилена мета на екстремистите, потсети американска агенција.
Елена Георгиевска