Во Минхен денеска почнува едно од најголемите судење на неонацисти во Германија каде на обвинителна клупа се пет луѓе обвинети дека биле дел од неонацистичка кампања за заплашување имигранти.
Првообвинета е 38-годишната Беате Чепе. Таа е обвинета за соучешништво во убиство на осуммина Турци, еден Грк и една полицајка во периодот 2000-2007 година.
Нејзниот адвокат ги отфрла обвинувањата.
Чепе е обвинета за учество во најмалку два бомбашки напада и 15 грабежи на банки што ги извршиле нејзините соучесници Уве Мундлос и Уве Бенхард. Едниот е убиен и другиот изврши самоубиство во ноември 2010 година кога полицијата им влегла во трага.
Тие тројца ја формирале наонацистичката ќелија Националсоцијалистичко подземје. На обвинителна клупа заедно со неа се и четири мажи обвинети за помагање на терористичката група. Беате се брани со молчење и воопшто не проговорила откако и се предаде на полицијата на 8 ноември 2011 година.
Најавени се демонстрации пред судот на кои повика Организацијата за борба против расизмот и неонацистичкото движење. Околу 500 полицајци се распоредени пред зградата на Судот. Постојат и најави на активисти на есктремната десница да ја поддржат Беате Чепе.