Бројот на француските војници, кои учествуваат во операцијата во Мали, што почна во петокот, достигна до 1.400, соопшти францускиот министер за одбрана Жан-Ив ло Дриан.
Франција планира да испрати вкупно 2.500 војници, меѓу кои ќе има припадници и на Легијата на странците.
Портпаролот на Генералштабот на француската армија Тиери Брјукар изјави дека Франција ќе испрати и хеликоптери во Мали, но не го наведе нивниот број. Непознато е и колку хеликоптери има во Мали.
Холандија во Мали ќе испрати транспортни авиони, како поддршка на антитерористичката операција на Фрнација.
Ситуацијата во Мали и понатаму е сложена, се водат борби во централниот дел на земјата, во реонот на градот Кона.