Двете сириски деца и нивната мајка, кои се удавија, додека се обидуваа да стигнат до Грција, денеска се погребани во сирискиот курдски град Кобане.
Тригодишниот Ајлан и неговиот брат, беа меѓу 12-те сириски бегалци кои загинаа неделава во обид да стигнат од Турција до грчкиот остров Кос. Снимките на тригодишниот Ајлан го обиколија светот.
Таткото на децата Абдулах Курди присуствуваше на погребот во Кобане. Тој изрази надеж дека загинувањето на неговото семејство ќе ги поттикне арапските држави да им помогнат на сириските бегалци.
– Барам од арапските влади, не од европските земји, да видат што се случи со моите деца и заради нив да помогнат на луѓето, истакна Курди.