На два дена пред парламентарните избори во Киргистан полицијата уапсила 15 лица осомничени за подготовка на државен удар, соопштија денеска безбедносните служби на оваа централноазиска земја.
Полицијата засега не ги соопшти идентитетите на уапсените лица, кои се осомничени дека планирале демонстрации на кои требало да се соберат „1.000 агресивни млади луѓе“ со цел да протестираат против изборните резултати и да направат хаос, соопшти Државниот комитет за национална безбедност.
Се додава дека групата уапсени планирала „да организира големи демонстрации“ во главниот град Бишкек и „насилно да ја преземе власта во земјата“.