Кинеската полиција уапси повеќе од 110 лица, под сомнение дека продавале месо од заразени свињи, соопшти денеска кинеската Агенција за безбедност на граѓаните.
Во соопштението се наведува дека за време на полициската акција, покрената минатата година во 11 кинески провинции одземени се повеќе од 1.000 тони месо, пренесува Танјуг.
Агенцијата за безбедност на граѓаните наведува дека уапсените биле членови на 11 синдикати и оти тие по намалени цени ги откупувале од сточарите свињите кои умирале од различни заболувања, а потоа ги преработувале во сланина, шунка и маст.