Украинскиот државен снабдувач со енергија Укренерго соопшти дека е „принуден“ да спроведе ограничувања за користење на електрична енергија во главниот град Киев и другите централни региони поради брзиот пораст на потрошувачката.
„Нивото на потрошувачка на електрична енергија рапидно расте во централните региони на Украина. Диспечерскиот центар „Укренерго“ е принуден да воведе привремено контролирано ограничување на потрошувачката на електрична енергија во овој регион“, стои во објавата на Фејсбук.
„Ги замолуваме жителите на Киев и Киевската област, Чернигив, Черкасиј и Житомир итно да ја намалат потрошувачката на електрична енергија! Ова ќе помогне да се намали оптоварувањето на електроенергетските мрежи и да им се даде време на енергетските компании да ја поправат опремата оштетена од терористички напади“.
Претседателот Володимир Зеленски апелираше до Украинците да ја намалат потрошувачката на енергија од 7 часот наутро по локално време, но ограничувањата беа доброволни и не беа спроведени.