Суданските власти наредија распоредување воени тимови во делови од градот по неколкуте дена немири во кои загинаа најмалку 30 луѓе.
Армијата го засили и обезбедуавњето на Командата во Картум и реонот на претседателската палата.
Крвави протести избувнаа во понеделникот во Судан откако Владата на Омаш Башир одлучи да укине субвенции за нафтениот сектор. Цените на горивата и бензините се зголемија двојно. Демонстрантите опожарија околу 20 бензиски станици во Картум и околните места. Запалени беа неколку полициски станици и голем број продавници во градот беа ограбени. Полицијата употреби солзавец за да ги растера демонстрантите. Во моментот, ситуацијата во Картум е мирна, јавуваат американски медиуми.