Земјите ширум светот ветија дека ќе испратат уште поголема помош во Канада бидејќи стотици шумски пожари ја погодија земјата.
САД досега испратија стотици пожарникари и ќе испратат уште, а претседателката на Европската комисија Урсула фон дер Лајен изјави дека властите на Франција, Португалија и Шпанија испратиле повеќе од 280 пожарникари во Канада, пренесува Ројтерс.
Покрај споменатите земји, голем број пожарникари испратија и Јужна Африка, Австралија и Нов Зеланд.
Во Канада, поради стотици шумски пожари, околу 120.000 луѓе мораа привремено да ги напуштат своите домови, а изгореа 3,8 милиони хектари земја, што е околу 15 пати повеќе од десетгодишниот просек, изјави федералниот министер за вонредни состојби Бил Блер.
Само во Квебек моментално се активни 150 пожари, а се очекува повеќе од 15.000 жители да бидат принудени да се евакуираат во таа провинција.