Дури 20 отсто од јужноафриканските ученички се ХИВ позитивни, покажуваат денеска објавените податоци на Министерството за здравство во земјата.
Јужноафриканскиот министер за здравство Арон Мотсоаледи, соопштувајќи ја оваа вест, истакна дека таа му ја „уништила душата“.
Ситуацијата кај јужноафриканските момчиња е значително подобра, имајќи предвид дека меѓу нив има само четири проценти ХИВ позитивни.
– Јасно е дека со овие девојчиња не воделе љубов момчиња, туку повозрасни мажи. Не можеме повеќе така да живееме, изјави Мотсоаледи.
Тој го изнесе и податокот дека во текот на 2011 година забремениле 94.000 јужноафрикански девојчиња, од кои некои имале само 10 години.
Според официјалните податоци, во Јужна Африка со ХИВ вирусот се заразени шест од вкупно 50 милиони жители.