Во израелскиот напад на градот Газа загина најмалку 23 лица

Од:

Најмалку 23 лица загинаа, а околу педесет се ранети во израелски воздушен напад врз станбена зграда во градот Газа, според палестинските тврдења.

Лекарите соопштија дека во денешниот напад била погодена зграда во населбата Шејаја и дека спасувачите се уште трагаат по преживеани под урнатините.

Израелската војска објави дека мета била висок припадник на палестинската милитантна група Хамас кој ги планирал и извршил нападите.

Пред нападот, армијата соопшти дека ги презела сите мерки за заштита на цивилното население, за кое Израел тврди дека Хамас го користи како жив штит. Војската објави и дека е употребено прецизно оружје, но не ги коментираше информациите за жртвите од нападот.

И палестинската новинска агенција ВАФА објави повеќе жртви во други израелски напади на други места во Појасот Газа, вклучувајќи го и Кан Јунис во јужниот дел.

Би можело да ве интересира

Израел: Продолжуваме со операциите против терористите низ целиот Појас Газа

Најмалку 50 мртви или исчезнати по израелскиот напад врз станбена зграда во Газа

Напаѓачот на Израелците во Вашингтон обвинет за убиство: „Би можел да добие смртна казна“

Катерина Ѓуровски

ВИДЕО: Главната болница во Газа е полна со деца со болки поради изгладнетост

Катерина Ѓуровски

Голем број загинати и повредени во денешните израелски напади врз Газа

Израел се подготвува за брз напад врз иранските нуклеарни постројки