Министерството за здравство во Појасот Газа, кое го води Хамас, денеска соопшти дека во израелски воздушен напад загинале двајца палестински новинари.
Се работи за видеографот Мустафа Тураја и новинарот Хамза Ваел Дахдух.
Според податоците на Комитетот за заштита на новинарите до крајот на минатата година најмалку 77 новинари, од кои 70 палестински, четворица израелски и тројца либански и медиумски работници се убиени од почетокот на војната меѓу Израел и палестинскиот Хамас во Појасот Газа на 7 октомври.