Шест кинески студенти се нападнати во стан, во регионот на Бордо, Франција, а еден од нив е потешко повреден.
Инцидентот се случил кога три лица под дејство на алкохол, со расистички навреди насилно влегле во станот каде што претстојувале кинезите и нападнале еден од нив, пренесе „Би би си“.
Францускиот министер за внатрешни работи Мануел Валс го осуди „ксенофобичниот напад“ кој предизвика масовни критики на најпопуларната кинеска социјална мрежа Веибо, со предлози кинескиот народ да не ја посетува таа држава.
Две лица во алкохолизирана состојба се приведени по напад на Кинескиња, која што е повредена со стаклено шише, соопшти француската полиција.
Еден очевидец наведува дека нападот е поврзан со откупот на плантажите со винова лоза, кои што кинеските инвеститори ги откупија во регионот на Бордо.
Нападнатите студенти во Франција претстојувале поради студии, наведе „Би би си“.
Елена Георгиевска