Египетскиот суд изрече вчера смртни казни за осуммина џихадисти, откако ги прогласи за виновни за насилство против силите за безбедност и припадност кон групи кои поттикнуваат тероризам, соопшти судски претставник.
– Кривичниот суд во Загазиг осуди осуммина џихадисти на смрт со бесење, откако ги прогласи за виновни за припадност кон сунитската екстремистичка група такфира, рече тој.
Осудените се товарат и за „поттикнување тероризам и насилство, како и за планирање убиства на припадници на војската и на полицијата“.
На петмина од осуммината осудени, им е судено во отсуство.
Египетските сили за безбедност чест беа мета на напади, особено на Синај, по соборувањето на исламистичкиот претседател Мохамед Морси во 2013 година.